Депутат Аида Исмаиловага: “Өкмөттө аял кесиптештерден сак болуңуз, алар аял кесиптештерине ор казышат”

Бүгүн, 1-апрелде Жогорку Кеңештин кезектеги жыйынында депутат Төрөбай Зулпукаров вице-премьер-министрликке талапкер Аида Исмаиловага өкмөттөгү аял кесиптештеринен сак болууну сунуштады.

“Бизде өкмөт жөнүндө конституциялык мыйзам бар. Ал жерде аялдардын квотасы, ошондой эле биздин коалициялык көпчүлүктүн келишиминин негизинде, өкмөттүн курамында аял киши сөзсүз болушу керек деген талаптар бар. Бирок ал жерге баргандан кийин аял коллегалардан этият болуңуз. Эмне үчүн дегенде, буга чейин Таалайкүл Исанакунова, Лунара Мамытова, Зуура Каденова жана башкаларга аял коллегалары эле ор казган. Этият болуңуз. Биз, эркектер сиздерди дайыма колдоп келебиз” – деп билдирди депутат Төрөбай Зулпукаров.

Булак: KyrgyzToday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *