Орусияда «Эл кызматчысы» сериалындагы Путин тууралуу тамаша алынып салынды

«Эл кызматчысы» сериалындагы кадр.

ТНТ телеканалы башкы ролду Украинанын президенти Владимир Зеленский аткарган «Эл кызматчысы» сериалындагы орус президенти Владимир Путин тууралуу тамашаны алып салды. Бул тууралуу «Би-Би-Синин» орус кызматы кабарлады.

Сюжетке ылайык, Зеленскийдин аткаруусундагы Украинанын президенти Голобородько кымбат баалуу саат жана костюм алганы барат. Жардамчысы ага Владимир Путин Швейцариянын Hublot (аталышын «хубло» деп айтат) үлгүсүндөгү саатын тагынарын айтат. Зеленский «Путин — хубло?», деп сураганда жардамчысы «Ооба» деп жооп берет.

Социалдык түйүн колдонуучуларынын жазганынан караганда, сериалдагы бул учур Ыраакы Чыгышта көрсөтүлгөн. Бирок Орусиянын Европа бөлүгүндөгү көрүүчүлөр үчүн алып салышкан. Москвада көрсөтүлгөн версиясында бул жери монтаждалганы байкалып турат.

«Эл кызматчысы» сериалы орус телеканалында көрсөтүлө тургандыгы Владимир Путин менен Владимир Зеленскийдин Париждеги жолугушуусунан кийин белгилүү болгон. ТНТнын проморолигинде сериалдагы Зеленский чыныгы президент менен салыштырылган: «Сериалда ал экономиканы өнүктүргөн, А чыныгы жашоодочу? Сериалда ал коррупцияны жеңген. А чыныгы жашоодочу? Сериалда ал Евробиримдикти четке каккан. А чыныгы жашоодочу? Кыскасы, Зеленскийдин версиясын көр».

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *