Шакиге кысым жасоо мамлекетке аброй апкелбейт!

Өлкө казынасына миллиондогон салыктарды төлөп, миңдеген жумушчу орундарды түзгөн Шаршенбек Абдыкеримовдун ишканаларын акыркы кезде тиешелүү органдар байма-бай текшерүүгө алышканын эшиттик. (Баса, бакиевдер бизнесмендерди жүдөтө берип, акыр аягы дүнүйө-мүлктүн азабынан эмне болгонун көрдүк го!) Кандайдыр бир саясый кызыкчылыктарды жүзөгө ашыруу үчүн «Кыргызстан» партиясын көшөгө артынан шылтоолоп, өлкөдөгү эң чоң бизнеске кыянаттык кылуу аркылуу эмне пайда табабыз? Андан көрө бийлик Шакини колдоп, анын идеяларын, бизнес пландарын пайдаланса болбойт беле? Кылдан кыйкым издөө, сасык саясаттын айынан кектешүү, кала берсе, алысты көрө билбеген жорук да! Ток этери, Ш.Абдыкеримовго байланыштуу кысымдарды иликтөөгө алуу менен материал даярдаганга аракет кылалы.

Булак: Азия Ньюс 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *