УКМК: Алмазбек Атамбаевдин абалы канаттандырарлык, эч кандай даттануусу жок

Азыркы учурда мурдагы президент Алмазбек Атамбаевдин абалы канааттандырарлык. Бул тууралуу бүгүн, 2-майда УКМКнын басма сөз кызматы маалымдады.

“Эч кандай даттануусу жок. Ал күнү-түнү дарыгерлердин көзөмөлүндө болууда”, деп айтылат маалыматта.

Буга чейин, Атамбаевдин адвокаты Сергей Слесарев мурдагы президенттин кан басымы төмөн экенин, аны тез ооруканага жаткыруу керектигин айткан.

Эсиңиздерге сала кетсек, Кой-Таш окуясы боюнча мурдагы президент Алмазбек Атамбаев бир катар кылмыш иштери боюнча, анын ичинен кримтөбөл Азиз Батукаевдин бошотулушу жана 2019-жылдын 7-8-августундагы Кой-Таш окуялары боюнча айыпталуучу катары өтүп жатат. Ал жана анын жан-жөөкөрлөрү КРнын Жаза кодексинин “адам өлтүрүү”, “барымтага алуу”, “бийликти күч менен басып алуу”, “массалык баш аламандыктар”, “куралды, ок-дарыларды мыйзамсыз жүгүртүү” беренелери боюнча айыпталууда.

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *