Видео – Бегалы Наргозуев: “2012-жылы Маевскийдин өкүлү Модин генералдар Кулов менен Суваналиевге келип, Текебаев пара катары алган $1 млн өндүрүп берүүнү суранышканын билем”

“2012-жылы Маевскийдин өкүлү Алексей Модин генералдар Феликс Кулов менен Өмүрбек Суваналиевге келишип, Өмүрбек Текебаев “Мегакомду” алып берем деп россиялыктардан пара катары алган $1 млн акчаны убадасын аткара албай калганынан улам кайра Текебаевден өндүрүп берүүнү суранышканын билем. Кулов менен Суваналиев Модинге “Текебаев азыр бийликте олтурат, ага күчүбүз жетпейт” деп баш тартышкан,” – деп билдирген 2019-жылы экс-депутат Бегалы Наргозуев 5-каналдын “Күн өзөк” программасында ал кездеги Текебаевдин жактоочусу Алманбет Шыкмаматов менен талашып-тартышуу учурунда.

Эсиңиздерге сала кетсек, Модин да Текебаевдин эски досу болгон, 2006-жылы Текебаевге каршы “матрёшка” операциясында мобилдик компанияда иштеген Модин ал операциянын бардык катышуучуларынын телефон сүйлөшүүлөрүнүн “распечаткаларын” Текебаевчилерге алып берип, чоң жардам берген. Ошондон кийин дос болуп калышкан Алексей Модин менен Текебаев 2010-жылы “Мегакомду” россиялыктарга тымызын сатуу операциясын иштеп чыгышкан жана Модин Москвадан Госдуманын экс-депутаты Маевскийди инвестор катары таап келип, Текебаев менен достоштурган.

5-каналдын “Күн өзөк” программасында Кыргызстандагы парламентаризмдин өнүгүүсү боюнча талкуу болуп, “Ата-Мекен” фракциясынын лидери Алманбет Шыкмаматов менен экс-депутат Бегалы Наргозуев талашып-тартышты. Талкууда Кыргызстанда 2010-жылдан бери, 9 жыл ичинде Текебаев баштаган Убактылуу өкмөт убада кылган парламенттик cистема орнодубу? деген суроо бир нече жолу берилди.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *